Ræðan á Austurvelli.

Félagar, ég vill byrja á að óska til hamingju nýjum félögum í hóp mótmælenda. Fögnum vel og innilega Lögreglunni og stiðjum þá heilshugar  í þeirra kjarabaráttu.

Guðmundur Ingi Kristinsson,heiti ég og ég öryrki eftir umferðaslys og í framboði til stjórnar VR. Já. já þeirra sem kenna sig við Virðingu og Réttlæti?

VR félagar sem hér eru kjósið L-lista lýðræðis og okkur þrjú neðstu sem erum í einstaklingskjöri. Hvetjið aðra VR félaga einnig til að kjósa til þess að gera VR  þess virði að bera nafnið Virðing og réttlæti að nýju.

þá er það Heimilin.

Hvar er lausnin á skuldavanda heimilanna? Hún er engin og ríkisstjórnin og verkalýðsfélögin eiga að skammast sín fyrir aðgerðaleysið. Það á fyrst að afskrifa af heimilunum. En ekki úrásarkúlulánasjálftökuliðinu. Hvað ef  þið gætuð endurfjármagnað lán heimilisins með því að borga bara tvo aura fyrir hverja krónu lánsins?

(Hugsið) Þá væri 20 milljóna krónu lánið orðið að 200.000.- krónu láni. Er þetta fáránlegt. Nei i því þetta gerðu Bakkabræður Ágúst og Lýður Guðmundssynir er þeir stálu Bakkvör út úr Existu.

Hvað gerðu Lífeyrissjóðurirnir? Ekkert og semja bara við lögbrjótanna Bakkabræður um að gefa þeim lifeyrisgreiðslur upp á  hundruð milljarða króna. Er þetta eðlilegt? Við segjum. Nei.

Samtök atvinnulífsins út úr Lífeyrissjóðunum. Verðtrygginguna burt. Nýja stjórn fólksins í lífeyrissjóðina strax.

Um 300 þúsund milljónir króna tapaðir hjá lífeyrissjóðunum. Því er tapaður lífeyrir  15.000.- lífeyrissjóðsfélaga sem greiddur hefur verið af þeim í fjörtiu ár. 40 ára greiðslur um 15.000 lífeyrissjóðsfélaga tapaðar? Skattatekjur upp á 120 milljarða einnig tapaðar. Halló eigum við að gleypa þetta þegjandi og hlóða laust. Nei



ASÍ er fyrirtæki í dag ekki verklýðsfélag.Gerum ASÍ að verkalýðsfélagi aftur eða bara leggjum það niður. Það kostar milljarð á ári að reka ASÍ.

Stöðvum hina óaðskiljanlegu síamstvíbura Gylfa hjá ASÍ og Villhjálm hjá Samtökum atvinnulífsins strax.  Kveðum niður barnið þeirra VERÐTRYGGINGUDRAUGIN  sem er að drepa heimilin með því að sökkva þeim í skuldir.

Bílalánin tölum um þau. Útrásarkúlulánaþegin á Game Over með sjö milljóna kr. skuld, afskrifað um 3 milljónir? Venjulegt heimili með 2 milljónir í skuld á heimilisbifreiðinni afskrifað 200 þúsund kr.

Hvaða óskapnaður er þetta? Þetta getur ekki verið þeirra réttlæti er það.NEI, þetta er mun verra. ­­Því þeirra óréttlæti var að fæðast hjá Jóhönnu og Steingrími og það eftir auðvelda og stutta meðgöngu.

Greiðsluaðlögunarskattaskrímslið er nafnið á króanum.Afskriftirnir, í greiðsluaðlöguninni skattaði upp í rjáfur ??

Sá sem hefur sparað alla sýna hunds og kattatíð og átti t.d. 20 milljónir íbúð sinni fyrir hrun, þær eru farnar. Æfisparnaður sem hvarf vegna græðgi Útrásarkúlulánasjálftökuliðsins veldur því að afskrifa þarf 20 milljónir og það til að hann fari niður í 110 % skuld.?
 
Á ekkert? Skuldar um 4 milljónir króna og þarf að borga skatt af afskriftunum? Skatt upp á rúmar 3.6 milljónir kr. eða 100 þusund kr. á mánuði næstu þrjú árin. Í hvaða  draugaheimi lifa þessir menn? Erum við sátt við þetta?NEI

Bakkabræður Ágúst og Lýður eru að stela um 40 milljörðum úr lífeyrissjóðum okkar og það er skattlaust. Eins er um hundruð milljarðanna sem eru í skattaskjólum og í aflandsfélögum í Guernsey, Mön og Tortola.

Hvað þá um milljarðahundruðin sem þegar er búið að afskrifa á útvöldum vinum hér heima. Við gerum gröfum um að þar verði byrjað, en ekki á okkur. Er það ekki?




Tölum um tengsl og spillingu í stjórnsýslunni á Íslandi.

Hann er á launum hjá ríkinu og hjá Intrum eða  ¨Skrimtrum¨¨ eins og réttnefnd væri. Þá er hann með Lögheimtuna og Pacta lögmannastofu . 

Hann er Ásgeir Thoroddsen hrl, og er í gjafsóknarnefnd á vegum ríkisins og það fyrir Lögmannafélags Íslands. Ágeir sem var einnig í stjórn Kaupþings banka sáluga, Skeljungar og Plastprents og fl. Þá er hann enn í stjórn Bakkavarar og VÍS með vinum sínum Bakkabræðrum, hinum nýju Ágústi og Lýð Guðmundssynum.

Halló , er ekki fáránlegt að maður sem átti þátt í bankahruninu er einnig að innheimta í gegnum Skrimtrum eignir fólks? Og á launum hjá ríkinu í gjafsóknarnefnd, til hvers? Þetta er spilling og hana verður að stöðva strax.

Atla Gíslasonar VG og ráðherran Árna Pálls,  lofuðu í Silfur Egils fyrir síðustu kosningar að breita lögum um gjafsók. Auðvitað brutu þeir loforðið. Hvað er Helga I. Jónsson dómstjóra Héraðsdóms Reykjavíkur að gera í gjafsóknarnefndinni með Ásgeiri? Þetta er Alþingi til háborinnar skammar

Tengsl eru innan sömu fjölskyldunar frá VÍS-Existu í Fjármálaeftirlitið,Hæstarétt,Viðskiptaráðuneytið,
Innustæðutryggingasjóðin og samningarnefndarinnar um Icesave samningin sem var feldur með yfir 90 % atkv. Þetta er ekki í lagi.
Þá er ekki í lagi einelti gagnvart almenningi af valdaöflum í stjórnsýslunni,fjölmiðlum eða t.d. VR blaðinu. Stöðvum svona ofbeldi strax í fæðingu, með því að láta í okkur heyra?

Lygi og ótti er vopnin sem útrásarkúlulánasjálftökiliðið notar og það með hér lögmanna að störfum með lög og reglur sem skotfæri. Lögmannaklíkur græða á varnalausum heimilum og fyrirtækjum í hrægammadansi eftir síðustu krónunum. Nýja vopnið þeirra eru handrukkarar á heimilin, ef fréttir eru réttar.

Bótasjóður Sjóvá fór til Tortola og þaðan til Kína í luxúsíbúðir og kom svo til baka sem sundlaug á Álftarnesi,Góðir! Sundlaugin er skuldsett fyrir 2,9 milljörðum er fáránlegur syndaþvottur fyrir ríkið í bótasjóðinum.En hvar er bótasjóður VÍS? Að sögn er stærsti hlutinn í ríkisskuldabréfum. Hvaða bréfum? Nígeríu og Simbabe?




Tölum um Laun og bætur

Stjórnarformaðurinn Íslandsbanka sem hefur ekkert vit á rekstri bankans að eigin sögn, fær rúmlega 500.000.-kr. fyrir.
 
Listamannalaun eru um 266.500.- kr á mánuði og ég er ekki á móti þeim, því þá eru eðlileg framfærslulaun ekki undir þeirri upphæð.

Prestar segja laun biskups séu allt of lág, en þau eru 999.000.- á mánuði. Þá getur biskup sagt ¨"Sælir eru fátækir, á 160.000.- kr. launum og eiga ekki fyrir mat, því þeirra er himnaríki"  Allir verða að eiga fyrir mat og eðlilegri framfærslu. Allir og það strax.ER það ekki ?

Það er verið að níðast á fólki með því að láta það standa úti í frosti og snjóbyl við matargjöf. Getur ríkisstjórnin og verkalýðssamtökin ekki séð sóma sinn í því að útvega húsnæði til að þessi matagjöf fara fram innandyra, en ekki í allra viðurvist við fjölfarnasta veg landsins.  Við gerum kröfu um það.

Góðar fréttir. Iceslave er lokið. Rétt fyrir fundin hringdi í mig forsætisráðhera breta Darling Terrorist Brown og sagði mér að hann hefði sett sinn besta mann í málið. Bond, James Bond 007 njósnara hennar hátignar. Hann mun sprengja upp fjárhirslur á Guernsey, Mön Tortola og ná í allan Icesave auðinn sem þar er. Þetta verður allt tekið upp og vinnuheitið á nýrri Bond myndinni er ¨Iceslave life for ever¨ bara til að gleðja Steingrím J. Er þetta ekki frábært

Ragna Árnadóttir dómsmálaráðherra, hefur sýnt það að þeir sem eru ekki uppaldir í hinu pólutíska  umhvefi koma betur út við stjórnun landsins. Kjósum ekki flokka, kjósum fólk. Landið eitt kjördæmi og Búsáhaldabyltinginn er komin til að vera. Ekki sem flokkur, heldur sem ¨Alþingi götunar¨ Takk fyrir.

Guðmundur Ingi Kristinsson öryrki og í framboði til stjórnar VR.(sign)